Ballina BreadCrumbTrailer Lajme

Kumtesë e Komisionit të ekspertëve për matjen e territorit të Republikës së Kosovës

Prishtinë, 16 shkurt 2017

Komisioni i ekspertëve për matjen e territorit të Republikës së Kosovës njofton opinionin se sot më 16.02.2017 mbajti takimin e radhës, në të cilin i prezantoi materialet dhe gjetjet nga terreni lidhur me verifikimin e segmenteve dhe pikave me të cilat vërtetohet mbulueshmëria me dokumentacion administrativ dhe hartografik. Pas prezantimit të tyre u zhvillua një debat i gjerë.

Komisioni më 21 shkurt 2017, në ora 10:00, në mjediset e ndërtesës së Qeverisë së Republikës së Kosovës, do të prezantojë draftin e  raportit të punës së tij, me të gjitha materialet dhe rezultatet. Para hartimit të raportit përfundimtar për Qeverinë e Republikës, e cila edhe e ka themeluar Komisionin e ekspertëve për të bërë matjen e territorit të Republikës, Komisioni do t’i ofrojë opinionit për diskutim publik gjithë dokumentacionin dhe gjetjet profesionale, shkencore dhe menaxheriale që lidhen me madhësinë territoriale të Kosovës. Komisioni mirëpret çdo dëshmi, vërejtje dhe sugjerim të mbështetur në fakte profesionale dhe shkencore.

Diskutimi publik do të zgjasë nga 21- 24 shkurt 2017, nga ora 10:00-15:00 në ndërtesën e Qeverisë.

Për Komisionin e ekspertëve për matjen e territorit të Republikës së Kosovës:
Dr. Tomor Çela, zëdhënës
16.02.2017 12:11
Prapa

Agjenda ditore

19 tetor 2017

1.Kryeministri Ramush Haradinaj viziton Valën dhe Telekomin e Kosovës.

VENDI:
Ndërtesa e PTK-së
KOHA: 09:30

2. Kryeministri Ramush Haradinaj pret në takim zëvendëskryeministren dhe ministren e Punëve të Jashtme të Republikës së Bullgarisë, Ekaterina Zaharieva.

VENDI: Ndërtesa e Qeverisë
KOHA: 13:00
 

Shkruaj Kryeministrit

KOSOVO IN UNESCO