Ballina BreadCrumbTrailer Lajme

Kryeministri Haradinaj priti delegacionin e BERZH-it

shkarko me rezolucion më të madhshkarko me rezolucion më të madh

Prishtinë, 06 tetor 2017

Kryeministri i Republikës së Kosovës, Ramush Haradinaj, priti në takim një delegacion të BERZH-it, të kryesuar nga zëvendëspresidenti, Pierre Heilbronn, i cili shoqërohej nga Charlotte Ruhe, drejtoreshë e Bankës për Evropën Qendrore dhe Juglindore, Oleg Levitin, zëvendësdrejtor për Qeverisje dhe Çështje Politike, si dhe Anca Ioana Ionescu, shefe e zyrës së BERZH-it, në Kosovë.

Gjatë takimit, kryeministri Haradinaj falënderoi BERZH-in për mbështetjen që i ka dhënë Kosovës në realizimin e projekteve të ndryshme, duke e vlerësuar rolin e këtij institucioni financiar, në të njëjtën kohë ofroi mbështetjen e plotë të Qeverisë.

Kryeministri Haradinaj dhe zëvendëspresidenti Heilbronn diskutuan mbi investimet e deritashme të BERZH-it në Kosovë si dhe për vazhdimin e bashkëpunimit për realizimin e projekteve që do të zhvillohen në të ardhmen.

Nga ana e tij, zëvendëspresidenti Pierre Heilbronn, falënderoi kryeministrin Haradinaj për pritjen, duke ofruar bashkëpunim të mëtutjeshëm.
 

06.10.2017 17:04
Prapa

KOSOVO IN UNESCO